Fljúgandi virki hrapaði til jarðar

Engan sakaði þegar B-17 sprengjuflugvél frá tímum síðari heimsstyrjaldarinnar, svokallað Fljúgandi virki, hrapaði til jarðar í Illinois, aðeins um 20 mínútum eftir flugtak.

Eldur kviknaði í vélinni en allir sjö í áhöfn vélarinnar sluppu ómeiddir, sem og áhorfendur.

Yfirvöld segja að flugmaðurinn hafi tilkynnt um vélarbilun og hann hafi í framhaldinu ákveðið að nauðlenda vélinni. Sjónarvottar segja að það hafi kviknað í vélinni, sem flaug mjög lágt, áður en hún brotlenti.

Bandaríkjaher notaði B-17 sprengjuvélar þegar þeir gerðu árásir á þýsk hernaðarskotmörk á tímum seinna stríðs.

Þessi vél hefur hins vegar verið notuð sem sýningarvél í miðvesturríkjum Bandaríkjanna undanfarin ár.  Fyrir 430 dali getur almenningur fengið útsýnisflug.

• 1 blogg um fréttina

Bloggað um fréttina

• Ingimar Eggertsson: Af hverju þessi vél ! ! !