Lést við að grípa bolta

Áhorfandi á hafnaboltaleik í Bandaríkjunum féll ofan úr stúku og lést þegar hann reyndi að grípa bolta sem leikmaður henti til hans í gær. Var fallið um sex metrar niður á steinsteypta gangstétt.

Var maðurinn að reyna að grípa bolta sem leikmaður Texas Rangers, Josh Hamilton, kastaði til hans í leik gegn Oakland. Féll hann yfir grindverk eftir að hafa gripið boltann. Sást í sjónvarpi hvernig maðurinn féll niður fyrir aftan stigatöflu.

Fékk maðurinn mikla áverka á höfði og höndum en virtist með meðvitund þegar sjúkraliðar fluttu hann burt. Var hann úrskurðaður látinn síðar um daginn. Breska blaðið The Guardian segir frá þessu.

• 1 blogg um fréttina

Bloggað um fréttina

• Jóhann Elíasson: ALLT SEM VIÐKEMUR ÍÞRÓTTUM OG ÍÞRÓTTAIÐKUN GETUR VERIÐ STÓRHÆTTULEGT..................