Tengsl á milli sprengingarinnar og skotárásarinnar

Norska lögreglan telur að tengsl séu á milli sprengingarinnar í miðborg Osló í dag og skotárásarinnar á eyju í nágrenni borgarinnar þar sem ungliðar í norska Verkamannaflokknum halda úti sumarbúðum. Þetta kemur fram á fréttavef BBC. Þá kemur fram að staðfest sé að sjö manns hafi látið lífið í sprengingunni og tveir séu alvarlega slasaðir.

Læknir á Háskólasjúkrahúsinu í Osló telur að hugsanlega hafi allt að eitt hundrað manns orðið fyrir meiðslum vegna sprengingarinnar fyrir utan þá sem eru alvarlega slasaðir.

Norskir hermenn hafa nú tekið sé stöðu í miðborg Oslóar til þess að gæta öryggis. Lögreglan hefur engar tilgátur um það hverjir kunni að hafa staðið á bak við sprenginguna og síðar skotárásina. Til þessa hafi verið nóg að gera við að ná tökum á ástandinu og tryggja öryggi.

Ein spurning sem velt er fyrir sér að sögn fréttamanns BBC er hvort sami einstaklingurinn hafi komið sprengjunni fyrir og því næst hafið skothríð á eyjunni í kjölfar þess eða hvort um fleiri en einn hafi verið að ræða. Þá kemur fram að óttast sé að sprengjur kunni hugsanlega líka að veraá eyjunni.

• 1 blogg um fréttina

Bloggað um fréttina

• Haraldur Haraldsson: Tengsl á milli sprengingarinnar og skotárásarinnar/ Allt í skoðun !!!!!