Kveikt var á kertum og blóm lögð framan við dómkirkjuna í Osló og víðar til að minnast þeirra sem létu lífið í sprengjuárás og skotárás í Noregi á föstudaginn var. Biskup Íslands hefur hvatt til fyrirbæna fyrir norsku þjóðinni í guðsþjónustum hér á landi í dag.

Staðfest er að 92 hafi látist í árásunum á föstudag og enn er verið að leita þeirra sem er saknað. Margir hafa komið á torgið framan við dómkirkjuna í Osló með kerti, blóm og fána sem þeir hafa lagt þar á minningarreit. Hryðjuverkin eru þau verstu í sögu Noregs frá því í síðari heimsstyrjöldinni.

Lögreglan er enn að kanna hvort skotmennirnir í Útey geti hafa verið tveir að verki. Anders Behring Breivik undirbjó ódæðið vandlega eins og kemur fram í skrifum hans sem hafa verið birt. 

Tengdar fréttir

Fjöldamorðið í Útey/Anders Behring Breivik

Breivik tapaði máli gegn ríkinu

• „Enn hættulegasti maður Noregs“
• Notar geðlyf til að komast í gegnum daginn
• Breivik reynir aftur að losna úr einangrun
• Beiðni Breiviks um reynslulausn hafnað

» Fleiri tengdar fréttir

• 1 blogg um fréttina

Bloggað um fréttina

• Þorsteinn H. Gunnarsson: Þungbær reynsla Norðmanna