Sá 11 ára dreng biðja sér griða
Setja bókamerki
Ungmennin, sem sluppu lifandi frá skotárásinni á Utøya, hafa mörg rætt við norska fjölmiðla í dag.
Einn þeirra, Adrian Pracon, sagði í viðtali við norska ríkisútvarpið, NRK, að hann hefði séð 11 ára gamlan dreng biðja sér griða. Hefði hann sagt við morðingjann, að pabbi hans væri dáinn en hann væri sjálfur of ungur til að deyja: „Ekki skjóta," sagði drengurinn og honum var þyrmt.
„Kannski fann hann fyrir samúð, ég veit það ekki, sagði Pracon.
Sjálfur sagðist Pracon hafa lagst til sunds en fljótlega gert sér grein fyrir því að of erfitt yrði að synda frá eyjunni til fastalandsins. Hann snéri þá við og sá morðingjann standa á klettunum og hrópa að allir myndu deyja. Hann hefði síðan skotið á fólk í vatninu. Sagðist Pracon hafa séð vatnið litast rauðu.
Pracon sagðist hafa verið aðframkominn og hafa fengið vatn í lungun. Hann sá manninn miða á sig byssu og hrópaði til hans að skjóta ekki. Morðinginn hefði staðið kyrr nokkra stund en síðan látið byssuna síga og ekki skotið. Pracon sagðist ekki vita ástæðuna en hugsanlega hafi morðingjanum, Anders Behring Breivik, ekki fundist taka því að skjóta á einn mann heldur viljað skjóta á hópa.
Sendi nektarmyndir af dreng sem hann passaði
Vonir bundnar við morgundaginn
Létu lofthræðsluna ekki á sig fá
Fæðuöryggi: „Áttum mat í þrjár vikur“
Börnin eiga að ýta við foreldrum sínum
Vinna hefst í dag við að reisa undirstöður
Auka aðgengi að Grindavík