Norski hryðjuverkamaðurinn Anders Behring Breivik á að gangast undir geðrannsókn en hann vill ekki tala við hvern sem er. Að sögn blaðsins Aftenposten neitar hann að ræða við tvo norska réttarsálfræðinga, sem héraðsdómur í Ósló hefur tilnefnt til að gera rannsóknina.

Dómurinn hefur falið Torgeir Husby og Synne Sørheim að leggja mat á hvort Breivik sé sakhæfur. Reynist svo ekki vera er ekki hægt að dæma hann til fangelsisvistar fyrir hryðjuverkaárásirnar þar sem 77 létu líifð heldur verður honum gert að dvelja á réttargeðdeild í ótiltekinn tíma. 

Geðrannsóknin fer þannig fram, að sakborningurinn ræðir við sálfræðingana. Pål-Fredrik Hjort Kraby, lögmaður hjá lögreglunni í Ósló, segir við blaðið, að Breivik hafi gefið til kynna að hann vilji ekki ræða við norska réttarsálfræðinga.

Þau Husby og Sørheim eru meðal reyndustu réttarsálfræðinga í Noregi. Þau eiga að skila niðurstöðu sinni fyrir 1. nóvember.

Tengdar fréttir

Fjöldamorðið í Útey/Anders Behring Breivik

Biður um reynslulausn 13 árum eftir fjöldamorðið

• Breivik tapaði máli gegn ríkinu
• „Enn hættulegasti maður Noregs“
• Notar geðlyf til að komast í gegnum daginn
• Breivik reynir aftur að losna úr einangrun

» Fleiri tengdar fréttir

• 1 blogg um fréttina

Bloggað um fréttina

• Viggó Jörgensson: Breivik er sakhæfur en líklega með tvenns konar persónuleikaröskun.