Forseti Venesúela, Hugo Chavez, kom fram í sjónvarpi í dag og lýsti yfir stuðningi við leiðtoga Líbíu, Muammar Gaddafi. Er þetta í fyrsta skipti sem Chavez kemur fram opinberlega þar sem sést að hann hefur misst hárið í krabbameinsmeðferðinni.

Chavez gerði góðlátlegt grín að hárleysinu og sagðist íhuga að halda þessari hárgreiðslu. Hann þurfi ekki að greiða sér sem komi sér ágætlega þar sem hann sé með krullur.

Forsetinn var skorinn upp vegna krabbameins fyrr í sumar á Kúbu en hann greindist með krabbamein í ristli. Hann hefur síðan verið undir eftirliti lækna og í áframhaldandi meðferð.

Ólíkt flestum þjóðarleiðtogum á Vesturlöndum lýsti Chavez yfir stuðningi við Gaddafi og bað Guð að fylgja honum.

Tengdar fréttir

Hugo Chavez

Gerir þriggja metra styttu af Chavez

• Maduro ósáttur með teiknimynd
• Hugo Chavez í himnaríki
• Enn minnast menn Chavez
• Maduro sór embættiseið

» Fleiri tengdar fréttir

• 1 blogg um fréttina

Bloggað um fréttina

• Axel Jóhann Axelsson: Guð blessi Gaddafi