Danir verða áfram í Líbíu

Danir hafa ákveðið að taka áfram þátt í hernaðaraðgerðum NATO í Líbíu næstu þrjá mánuðina. Að auki hafa Danir veitt heimild fyrir því að líbíska þjóðarráðið sendi erindreka sína til Kaupmannahafnar sem fulltrúa þjóðarinnar.

Danir hafa verið með sex F-26 orrustuþotur í Líbíu og munu þær verða þar áfram. Þverpólitískur hópur, sem fer með málefni Danmerkur gagnvart Líbíu, samþykkt þetta einróma í morgun, að sögn Lene Espersen, utanríkisráðherra landsins.

Espersen segir að þátttaka Dana í aðgerðum NATO stuðli að möguleikum Líbíu til að verða  frjálst lýðræðisríki. „Við verðum að halda áfram að þrýsta á Gaddafi,“ sagði Espersen og bætti við að þróun undanfarinna mánaða kallaði á endurskoðun á aðgerðum, en gaf ekki upp hvað í því fælist.

„Við höldum áfram hernaðarlegum og pólitískum þrýstingi,“ segir Espersen.

Enn eru tveir sendiráðsfulltrúar Líbíu í Danmörku, en danska ríkisstjórnin hefur lýst þá „óæskilega í landinu“ eða "persona non grata".

• 1 blogg um fréttina

Bloggað um fréttina

• Torfi Kristján Stefánsson: Allir flokkar sammála!