Segir Gaddafi vera í Tripoli

Saif al-Islam, sonur Múammars Gaddafis, einræðisherra Líbíu, segir að faðir sinn og fjölskylda séu enn í Trípolí. Harðir bardagar hafa verið í morgun við víggirtar höfuðstöðvar Gaddafis í borginni.

„Gaddafi og öll fjölskyldan eru í Trípolí," sagði Saif við blaðamenn á Rixos-hótelinu þar sem margir erlendir blaðamenn búa um þessar mundir.  

Hann vildi ekki upplýsa nánar hvar faðir hans er í borginni. Hann sagði hins vegar, að hersveitir stjórnarinnar hefðu vísvitandi ekki reynt að hindra að uppreisnarmenn færu inn í Trípolí á sunnudag.  

„Það var lymskubragð að leyfa uppreisnarmönnum að fara inn í Trípolí," sagði Saif án þess að útskýra orð sín nánar.  

• 2 blogg um fréttina

Bloggað um fréttina

• el-Toro: BBC með allt niður um sig að vanda...
• Viggó Jörgensson: Gaddafi ræður enn yfir norðvestur hluta Tripoli.