„Siðferðislegur brestur“

Það sem gerðist á milli Dominique Strauss-Kahn og herbergisþernunnar í New York var siðferðislegur brestur af hans hálfu og að hann væri ekki stoltur af því. Fullyrðir hann í sjónvarpsviðtali að hann hafi hins vegar hvorki reynt að nauðga henni né franskri blaðakonu sem einnig hefur borið hann þeim sökum.

Sagðist Strauss-Kahn hafa brugðist bæði trygglyndri konu sinni og frönsku þjóðinni. Viðurkenndi hann að hafa gefið upp á bátinn vonir sínar um að fara í forsetaframboð.

„Það var ekkert ofbeldi né þvingun í því sem gerðist, ekkert glæpsamlegt athæfi,“ sagði Strauss-Kahn við fréttakonuna Claire Chazal en hún er vinkona eiginkonu fyrrverandi framkvæmdastjórans.

Þá neitaði Strauss-Kahn ásökunum um að hann hafi reynt að nauðga ungri blaðakonu í París árið 2003. Sagði hann þá frásögn sem komið hefði fram í fjölmiðlun vera uppspuna og aðdróttanir.

Þrátt fyrir það sagðist hann augljóslega ekki geta boðið sig fram til forseta á næsta ári og sagðist ekki ætla að taka nokkurn þátt í kappræðum í forvali sósíalistaflokksins fyrir þær. Hann ætlaði að taka sinn tíma til þess að íhuga framtíð sína í kjölfar hneykslismálanna.

Dominique Strauss-Kahn í viðtalinu í frönsku sjónvarpi. Reuters

• 1 blogg um fréttina

Bloggað um fréttina

• Sigurður Þorsteinsson: Er siðblinda, mesta ógn stjórnmálanna?