AGS lætur Grikki fá það óþvegið

Alþjóðagjaldeyrissjóðurinn setti Grikkjum úrslitakosti í dag um að draga úr fjárlagahallanum svo landið geti fengið greitt úr björgunarsjóðum til að koma megi í veg fyrir þjóðargjaldþrot.

Gagnrýnir AGS stjórnvöld í Grikklandi fyrir seinagang og að ekki sé nægjanlega unnið í einkavæðingu og að koma endurbótum af stað.

AGS telur að Grikklandi takist að komast út úr efnahagslægðinni árið 2013 í kjölfar niðurskurðar og skattahækkana. Bob Traa, sem fer fyrir sendinefnd AGS varðandi Grikkland, segir að grípa þurfi til frekari ráðstafana til að koma landinu á réttan kjöl á ný. Einkavæðingaráform gangi of hægt vegna ósamkomulags meðal stjórnmálamanna um hvernig eigi að standa að einkavæðingunni. Ef beðið verði of lengi verði Grikkland gjaldþrota.

• 2 blogg um fréttina

Bloggað um fréttina

• Ómar Geirsson: AGS stjórnar aðför að vestrænni siðmenningu.
• Torfi Kristján Stefánsson: Einkavæðing gangi of hægt!