Frelsi frá skorti grundvallarmannréttindi

„Í hagkerfi heimsins rísa og falla þjóðir í sameiningu. Markaðirnir eru hviklyndir. Of margt fólk er án vinnu. Of margir aðrir eiga í erfiðleikum við að láta enda ná saman,“ sagði Barack Obama, forseti Bandaríkjanna, í ræðu sinni á allsherjarþingi Sameinuðu þjóðanna rétt í þessu.

„Við verðum að grípa til skjótra og samhæfðra aðgerða enn á ný. Við stöndum með bandamönnum okkar í Evrópu þar sem þeir endurmóta stofnanir sínar og takast á við eigin fjárhagslegar áskoranir,“ sagði Obama.

Hann sagði að Bandaríkjamenn myndu vinna með nýmarkaðsríkjum sem hefðu náð sér fljótt á strik aftur eftir efnahagskreppuna og skírskotaði þar til ríkja á borð við Kína, Rússland, Indland og Brasilíu.

„Við verðum að starfa samkvæmt þeirri trú að frelsi frá skorti sé grundvallarmannréttindi,“ sagði Obama ennfremur samkvæmt fréttavef breska dagblaðsins Daily Telegraph.

• 1 blogg um fréttina

Bloggað um fréttina

• Ásgrímur Hartmannsson: "Frelsi frá skorti?"