Ætlaði að nota fjarstýrða flugvél

Bandarískur maður hefur verið handtekinn grunaður um að hafa ætlað að nota fjarstýrða flugvél, hlaðna sprengjuefni, til að fljúga á varnarmálaráðuneyti Bandaríkjanna og inn yfir Washington.

Maðurinn er 26 ára gamall. Hann er grunaður um að hafa ætlað að fremja sprengjutilræði og að hafa reynt að koma sprengjuefni til al-Qaeda svo að samtökin gætu notað það gegn bandarískum hermönnum í Írak.

Í yfirlýsingu frá saksóknara segir að maðurinn hafi í langan tíma undirbúið tilræði gegn bandarískum borgurum. Maðurinn var handtekinn í Boston. Hann var handtekinn eftir að hann sótti sótti vopn þar sem þau voru í geymslu.

• 1 blogg um fréttina

Bloggað um fréttina

• Ómar Bjarki Kristjánsson: Undercover agents