Krabbameinsútgjöld stjórnlaus?

Fólk sem er með ólæknandi krabbamein fær allt of mikla meðhöndlun, verið er að gefa því falskar vonir og setja það á rándýr lyf sem ekki geta bjargað lífi þess, segir í skýrslu 37 alþjóðlega þekktra krabbameinssérfræðinga sem starfað hafa fyrir Lancet Oncology Commission.  

 Jyllandsposten í Danmörku segir frá málinu á vef sínum. Sérfræðingarnir segja að lyfin geti ekki bjargað lífi fólksins, aðeins lengt það um fáeinar vikur. Menn verði að fara að forgangsráða, kostnaðurinn sem fylgi því að treina lífið í dauðveiku fólki vaxi stöðugt og sé að verða óviðráðanlegur.

,,Sjúklingarnir fá ekkert nema aukaverkanir af meðhöndluninni, útgjöld samfélagsins vegna meðhöndlunar á krabbameini eru stjórnlaus og heilbrigðiskerfi vita ekkert hvernig þau eiga að fjármagna þessi mörgu og dýru lyf  í framtíðínni," segir í yfirlýsingu sérfræðinganna 37.

• 3 blogg um fréttina

Bloggað um fréttina

• Tryggvi Sveinbjörnsson: Hvenær er von, og hvenær ekki.
• Dagný: Krabbameinsútgjöld stjórnlaus?
• Viggó Jörgensson: Lyfjafyrirtækin stjórna.