Lögreglumaður skaut stjórnmálamann

Pakistanskur lögreglumaður var í morgun dæmdur til dauða fyrir morð á Salman Taseer, þarlendum stjórnmálamanni. Taseer hafði barist fyrir því að vægar yrði tekið á guðlasti. Harðlínumenn í hópi múslíma fögnuðu morðinu og segja að láta eigi lögreglumanninn þegar í stað lausan.

Lögreglumaðurinn, Malik Mumtaz Hussain Qadri, sem einnig gegndi starfi lífvarðar Taseers, játaði þegar á sig morðið, en hann skaut vinnuveitanda sinn til bana á kaffihúsi í borginni Islamabad í byrjun janúar.

Verknaðnum var þegar í stað fagnað ákaft af harðlínumúslímum, en Taseer hafði gagnrýnt ákaft þegar kristin kona var dæmd til dauða fyrir að hafa farið óvirðulegum orðum um Múhameð spámann.

Lögmaður Qadris hefur áfrýjað dómnum.

• 1 blogg um fréttina

Bloggað um fréttina

• Guðmundur Paul: misskilningur