Myrti lögreglukonu með sverði

Maður vopnaður japönsku samurai-sverði myrti lögreglukonu og særði tvo aðra þegar hann réðst inn í skrifstofu héraðsstjóra í borginni Bourges í Frakklandi í dag.

Árásarmaðurinn, sem er 33 ára, var skotinn í fótinn og særðist í árásinni. Vitni sögðu að manninum hefði áður verið synjað um skotvopnaleyfi á skrifstofunni. Hann sneri aftur og var þá vopnaður sverðinu en blað þess er 80 sentimetra langt. Maðurinn réðst á lögreglu sem reyndi að hefta för hans.

Lögreglukonan, sem var þrítug að aldri, særðist alvarlega í árásinni og lést skömmu síðan af sárum sínum. Annar lögreglumaður fékk sár á öxl og skrifstofumaður særðist einnig.

Þriðji lögreglumaðurinn skaut árásarmanninn í fótinn og særði hann. Eftir það var hann yfirbugaður og færður í fangelsi.

• 1 blogg um fréttina

Bloggað um fréttina

• Ásgrímur Hartmannsson: 80 cm? ... hér þarf meiri upplýsingar: