Erlent | mbl | 15.10.2011 | 0:14

Biskup ákærður fyrir yfirhylmingu

Biskupinn er sakaður um að hafa ekki gert lögreglu viðvart vegna málsins. Myndin er úr safni og tengist fréttinni ekki beint. Reuters

Kaþólskur biskup í Missouri í Bandaríkjunum hefur verið ákærður fyrir að hylma yfir meintum kynferðisbrotum gegn börnum í sínu biskupsdæmi.

Fram kemur á vef breska ríkisútvarpsins að þetta sé í fyrst sinn sem biskup er ákærður í máli sem þessu.

Biskupinn Robert Finn í Kansas er sakaður um að hafa ekkert aðhafst í máli prests sem er sakaður um að hafa verið með klámfengið myndefni af börnum á tölvunni sinni. Eru kirkjunnar þjónar sakaðir um samsæri, en þeir eru sagðir hafa eyðilagt sönnunargögnin.

Biskupinn hefur beðist afsökunar en segist ekki hafa gert neitt rangt.