Evran mikilvægari en aðild Grikklands

Forsætisráðherra Hollands, Mark Rutte, segir að evran sé mikilvægari heldur en að Grikkland verði áfram hluti af evru-svæðinu. Hann hvetur hins vegar til þess að Grikkland verði áfram hluti af evru-svæðinu og að komið verði í veg fyrir gjaldþrot landsins. Þetta kom fram í máli Rutte að afloknum ríkisstjórnarfundi í Haag í dag.

Hann segir að ríkisstjórn Hollands telji mikilvægt fyrir allt evru-samstarfið að Grikkland fari ekki í þrot. „En að lokum er það evran sem er mikilvægari heldur en aðild Grikklands að evru-svæðinu." Rutte segir að það sé hins vegar ekki markmið hans að Grikkland yfirgefi evru-svæðið og að ef Grikkir ákveða að hætta að nota evruna þá þýði það einnig að landið yfirgefi Evrópusambandið.

• 1 blogg um fréttina

Bloggað um fréttina

• Gunnar Heiðarsson: Dýrkun Mammons