Fundu tvo milljarða og vopn í skyndileit

Hermenn í Mexíkó duttu heldur betur í lukkupottinn þegar þeir framkvæmdu skyndileit í bíl einum í borginni Tijuana, skammt frá landamærunum að Bandaríkjunum, og fundu þar falda tæpa tvo milljarða króna í reiðufé auk skartgripa, vopna og fíkniefna.

Fengurinn tilheyrði að öllum líkindum einum af hinum alræmdu fíkniefnahringjum landsins, að sögn varnarmálaráðuneytisins. Embættismenn buðu í dag fjölmiðlum að ljósmynda féð og sögðu að þeir teldu að flytja hefði átt peningana í ákveðið hús sem meðlimir í glæpagengi Joaquin Guzmans, oft kallaður El Chapo (ísl. stutti), notuðu. Guzman er ofarlega á lista yfir eftirlýsta menn í Mexíkó.

• 2 blogg um fréttina

Bloggað um fréttina

• Friðrik Friðriksson: Já heldur betur!
• Haraldur Haraldsson: Fundu tvo milljarða og vopn í skyndileit///Æi af hverju gat …