Pynta fanga til dauða

Mannréttindasamtökin Amnesty International segja að uppreisnarmenn hafi pyntað fólk í fangelsum í Líbíu og að nokkrir einstaklingar hafi látist af völdum pyntinganna.

Samtökin segjast hafa hitt sjúklinga í Trípólí, Misrata og Gheryan sem hafi verið með opin sár á höfði, útlimum og á baki, að því er fram kemur á vef breska útvarpsins.

Talsmaður Amnesty segir að her- og öryggissveitarmenn framkvæmi pyntingarnar, auk uppreisnarhópa sem starfi utan við ramma laganna.

Þá hafa samtökin Læknar án landamæra hætt störfum í Misrata eftir að hafa sinnt 115 sjúklingum sem voru með áverka eftir pyntingar.

Sameinuðu þjóðirnar segjast hafa áhyggjur af því við hvaða aðstæður sjúklingunum er haldið.

• 1 blogg um fréttina

Bloggað um fréttina

• Torfi Kristján Stefánsson: "segjast hafa áhyggjur"