Angela Merkel, kanslari Þýskalands, sagði í gær að meiri fjárhagsaðstoð við Grikkland en þegar hefði verið samið um í gegnum Evrópusambandið og Alþjóðagjaldeyrissjóðinn kæmi ekki til greina. Fréttavefurinn Euobserver.com segir frá þessu í dag.

Merkel sagði að samþykkt gríska þingsins síðastliðinn sunnudag á nýjum björgunarpakka fyrir Grikkland upp á 130 milljarða evra væri mikilvæg en bætti því við að ekki væri í boði að gera breytingar á þeim pakka.

Komið hefur fram í fjölmiðlum að fjármagnsþörf Grikkja hafi verið vanmetin þegar björgunarpakkinn var settur saman og að þá kunni að vanhaga um u.þ.b. 15 milljarða evra til viðbótar við þá 130 milljarða sem pakkinn hljóðar upp á.

Tengdar fréttir

Efnahagsvandræði á evrusvæðinu

Íhugar að sparka Grikkjum úr evrusamstarfi

• Frakkar á leið í samdráttarskeið
• Hlutabréf falla í Evrópu
• Byrjar aftur að kaupa skuldabréf
• Óbreyttir stýrivextir

» Fleiri tengdar fréttir

• 1 blogg um fréttina

Bloggað um fréttina

• Páll Vilhjálmsson: Brussel-karlar illmenni í glæpasögu