Konur noti blæjur og minni farða

Stjórnvöld í Afganistan hafa fyrirskipað kvenkyns fréttalesurum og öðrum konum sem koma fram á þarlendum sjónvarpsstöðvum að bera blæju og minni farða. Þá er lögð áhersla á að þær virði íslömsk og afgönsk gildi í störfum sínum.

„Allar sjónvarpsstöðvar eru í fullri alvöru beðnar að koma í veg fyrir að kvenkyns sjónvarpsfólk birtist í sjónvarpi án blæju og með mikinn farða,“ segir í tilkynningu frá upplýsinga- og menningarmálaráðuneyti landsins.

Fréttaveitan AFP hefur eftir forseta Afganistan, Hamid Karzai, í gær að þessi ákvörðun hafi verið tekin vegna þrýstings frá Ulema-ráðinu sem er æðsta trúarstofnun landsins.

• 1 blogg um fréttina

Bloggað um fréttina

• Sigurður Sigurðsson: Voru þeir ekki að gagnrýna okkur um skort á mannréttindum???