Breivik á marga pennavini

Norski fjöldamorðinginn Anders Behring Breivik stendur í umfangsmiklum bréfaskriftum við fjölda manna úr fangaklefa sínum. Honum er mikið í mun að stefnuyfirlýsing hans, hið svokallaða manifesto, nái til sem flestra.

Að sögn eins lögmanna hans, Vibeke Hein Bæra, fær hann fjölda bréfa í fangelsið og hann er upptekinn af því að skrifa til þeirra sem hann telur vera skoðanasystkin sín.

„Ég veit ekki til þess að nokkur hafi lýst yfir ánægju með það sem hann gerði, en margir aðhyllast sömu hugmyndafræði og hann,“ sagði Bæra í samtali við norska ríkissjónvarpið, NRK.

„Hann hugsar mikið um það að hvaða leyti hugmyndir hans hafa náð fótfestu í samfélaginu,“ sagði Bæra.

Breivik undirbýr sig nú fyrir komandi réttarhöld og mun ekki hafa óskað eftir að taka á móti heimsóknum.

• 1 blogg um fréttina

Bloggað um fréttina

• Mofi: Hvers konar rugl er þetta?