Vladimir Pútín, forsætisráðherra Rússlands, segir það vera fjarri lagi að Rússar styðji ríkisstjórn Assads Sýrlandsforseta. Hann neitar að spá nokkru um hvort Assad muni sitja áfram í embætti.

„Við erum ekki í neinu sérstöku sambandi við Sýrlendinga,“ sagði Pútín við blaðamenn í Moskvu í gærkvöldi. Spurður hvort hann héldi að Assad myndi halda áfram að stjórna landinu eftir að átökum linnti svaraði hann því til að hann vildi ekki leggja neitt mat á það.

„Það er greinilegt að þarna eru mjög alvarleg innanríkisvandamál. Þær umbætur sem stjórnvöld hafa boðið hefðu átt að ganga í gegn fyrir löngu,“ sagði Pútín. „Núna þurfum við að fá Sýrlendinga til að hætta að drepa hver annan.“

Mikill þrýstingur hefur verið á Rússa að taka einarðari afstöðu gegn stjórnvöldum í Sýrlandi, en þeim hefur verið legið á hálsi fyrir að styðja mannréttindabrot Assads, t.d. með því að beita neitunarvaldi í Öryggisráði Sameinuðu þjóðanna þegar samþykkja átti ályktun þar sem ofbeldi gegn óbreyttum borgurum í Sýrlandi var fordæmt.

Pútin hvetur nú stjórnvöld í Sýrlandi og uppreisnarmenn til að semja um vopnahlé. Hann gagnrýnir jafnframt vestræn ríki fyrir að standa við bakið á uppreisnarmönnum.

Sýrlendingar kaupa allflest vopn sín frá Rússlandi og sterk tengsl ríkjanna tveggja eiga sér langa sögu, allt frá tímum Sovétríkjanna þegar faðir Assads var forseti.

Tengdar fréttir

Sýrland

Forsetafrú með hvítblæði

• Helsti ráðgjafi Hisbollah sá sem ráðinn var af dögum
• Fórnarlömb mannskæðrar árásar jörðuð
• Olíuflutningaskipið sagt mjög laskað
• Vill réttarhöld yfir Assad

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Eru Sýrlendingar bara tveir ?