Sýknaðir af barnanauðgun

Mannréttindasamtökin Amnesty International segja það hneykslanlegt að hæstiréttur Brasilíu hafi sýknað menn, sem sakaðir voru um að nauðga þremur barnungum stúlkum, á þeirri forsendu að stúlkurnar hafi líklega verið vændiskonur. Stúlkurnar eru allar tólf ára gamlar.

„Nauðgun er aldrei á ábyrgð fórnarlambsins. Þessi dómur er mikið áfall og gefur ofbeldismönnum grænt ljós. Verði þetta raunin í fleiri dómsúrskurðum, þá gæti það fælt fórnarlömb kynferðisofbeldis frá því að kæra glæpina,“ segir talsmaður Amnesty í Brasilíu.

Hæstiréttur staðfesti dóm héraðsdómstóls í Sao Paulo, þar sem vörn verjanda mannanna var á þá leið að þar sem stúlkurnar hefðu verið vændiskonur þá hefðu þær sjálfkrafa gefið samþykki sitt.

Kynlíf með börnum yngri en 14 ára er refsivert í Brasilíu.

• 1 blogg um fréttina

Bloggað um fréttina

• Sigurður Haraldsson: Þetta er!