Eiginkonur Bin Ladens fangelsaðar

Þrjár ekkjur og tvær dætur Osama Bin Ladens hafa verið dæmdar fyrir að búa í Pakistan án heimildar. Lögmaður þeirra staðfestir þetta. Konurnar væru dæmdar í 45 daga fangelsi og þurfa að greiða 10.000 rúpía sekt, sem nemur um 14 krónum.

Að sögn BBC hafa konurnar nú þegar setið af sér u.þ.b. mánuð af dómnum og er búist við því að þær verði fluttar úr landi eftir tvær vikur. Þær hafa verið í haldi pakistanskra yfirvalda síðan sérsveitir Bandaríkjahers drápu Bin Laden í maí. Ekkjurnar þrjár eru taldar vera frá Sádi-Arabíu og Jemen. 

Ekki er vitað hvert þær verða fluttar. Þrátt fyrir að vera eftirlýstur um allan heim með 23 milljóna dala lausnargjald til höfuðs sér bjó Osama Bin Laden í tæp fimm ár í einbýlishúsi í borginni Abbottabad í Pakistan ásamt eiginkonum sínum og börnum.

• 1 blogg um fréttina

Bloggað um fréttina

• Hilmar Örn: Í alvuru.