Birtist allt í einu hálfnakinn

98 ára gömul kona, sem býr á dvalarheimili fyrir aldraða í bænum Bagneux suður af París höfuðborg Frakklands, varð fyrir þeirri óskemmtilegu reynslu síðastliðið sunnudagskvöld að karlmaður sem þóttist vera læknir reyndi að beita hana kynferðislegu ofbeldi.

Maðurinn kom í íbúð konunnar og sagði að hann væri kominn til þess að veita henni læknisskoðun. Hann bað hana því næst að afklæðast og fór hún inn á baðherbergi til þess.

Þegar konan ætlaði að fara út af baðherberginu aftur birtist maðurinn skyndilega í dyragættina og var sjálfur hálfnakinn. Konunni tókst að gera vaktmönnum viðvart áður en manninum tókst að koma fram vilja sínum og hljóp hann þá í burtu.

Fram kemur á fréttavefnum Thelocal.fr að lögreglu hafi ekki tekist að hafa uppi á manninum eða bera kennsl á hann.

• 1 blogg um fréttina

Bloggað um fréttina

• Pálmi Hamilton Lord: 98 ára gömul