Vill aukin framlög frá aðildarríkjunum

Fram­kvæmda­stjórn Evr­ópu­sam­bands­ins hef­ur óskað eft­ir því að fjár­fram­lög til þess á ár­inu 2013 verði auk­in um 6,8% frá því sem nú er á þeim for­send­um að aukið fjár­magn þurfi frá ríkj­um sam­bands­ins til þess að standa við ýms­ar skuld­bind­ing­ar sem fram­kvæmda­stjórn­in þurfi að standa við.

Ýmsir ríki ESB hafa ít­rekað hvatt fram­kvæmda­stjórn­ina til þess að skera frek­ar niður í rekstri sín­um í stað þess að óska sí­fellt eft­ir meiri fjár­mun­um frá ríkj­un­um en fram­kvæmda­stjórn­in fór einnig fram á auk­in fram­lög á síðasta ári.

Þá hef­ur fram­kvæmda­stjórn ESB verið gagn­rýnd harðlega fyr­ir að fara fram á auk­in fjár­fram­lög frá ríkj­um sam­bands­ins á sama tíma og hún krefj­ist þess að rík­in skeri niður í rekstri sín­um meðal ann­ars í heil­brigðis- og mennta­mál­um.

Fram kem­ur á frétta­vef breska rík­is­út­varps­ins BBC að sam­kvæmt fjár­hags­áætl­un fram­kvæmda­stjórn­ar ESB fyr­ir næsta ár sé gert ráð fyr­ir að sam­bandið hafi til ráðstöf­un­ar sam­tals 138 millj­arða evra eða sem nem­ur um 22.500 millj­arða króna.

• 3 blogg um frétt­ina

Bloggað um frétt­ina

• Gunn­ar Heiðars­son: Hið óseðjandi svín
• Tóm­as Ib­sen Hall­dórs­son: Fram­kvæmda­stjórn ESB vant­ar meira fé til að sólunda á sama …
• Sam­tök um rann­sókn­ir á ESB ...: Evr­ópu­sam­bandið held­ur áfram að auka tekj­ur sín­ar ár frá ári …