Hinir ríku verði skattlagðir

Seðlabankastjóri Finnlands, Erkki Liikanen, hefur ráðlagt grískum stjórnvöldum að leggja skatta á ríka Grikki til þess að reyna að leysa úr efnahagsþrengingum Grikklands.

Fréttavefurinn Euobserver.com hefur eftir Liikanen, sem áður sat í framkvæmdastjórn Evrópusambandsins, að fyrirkomulag þar sem hinir ríku greiddu enga skatta væri ávísun á gríðarlegt óréttlæti.

Enn hefur ekki verið mynduð ný ríkisstjórn í Grikklandi í kjölfar þingkosninganna um síðustu helgi en sósíalistaflokkur Evangelos Venizelos, fyrrverandi fjármálaráðherra, hefur nú fengið stjórnarmyndunarumboðið eftir að tvær fyrri tilraunir til stjórnarmyndunar runnu út í sandinn.

Ef ekki tekst að mynda nýja ríkisstjórn verður væntanlega kosið til gríska þingsins aftur í sumar.

• 2 blogg um fréttina

Bloggað um fréttina

• Ómar Bjarki Kristjánsson: Evangelos Venizelos leiðtogi PASOK bjartsýnn á stjórnarmyndun.
• Geir Ágústsson: Hagfræði hrunsins er ennþá 'mainstream'