Hvít börn ekki í meirihluta

Í fyrsta skipti eru hvít börn í Bandaríkjunum ekki í meirihluta samkvæmt upplýsingum um hagtölur þar í landi.

Á tólf mánaða tímabili til 12. júlí árið 2011 voru 50,4% af nýfæddum börnum í Bandaríkjunum annaðhvort af rómönskum uppruna, blökkumannakyni, asísku bergi brotin eða indíánaættum.

Síðasta manntal fór fram í apríl árið 2010 og þá höfðu 50,5% hvítvoðunga í landinu verið hvít.

Bandaríkjamenn af rómönskum ættum eru sá minnihlutahópur sem vex örast. Þeir eru 52 milljónir og þeim hefur fjölgað um 3,1% frá árinu 2010.

Árið 1990 námu barnsfæðingar minnihlutahópa í Bandaríkjunum um 37% af heildarbarneignum.

Þjóðfélagsfræðingar telja að niðursveifla í efnahagslífinu kunni að hafa valdið því að barneignum meðal hvítra hafi fækkað.

• 1 blogg um fréttina

Bloggað um fréttina

• Svanur Gísli Þorkelsson: Framtíðin er brún