Fjármálaráðherrar Evrulandanna verða í viðbragðsstöðu, ef kalla þarf til fundar með skömmum fyrirvara í kjölfar þingkosninganna í Grikklandi sem verða á sunnudaginn. 

Ráðstafanir hafa verið gerðar til þess að þeir geti rætt saman og stillt saman strengi sína og komið þannig í veg fyrir að þeir sendi frá sér mismunandi skilaboð, eins og áður hefur gerst varðandi málefni Grikklands.

Líklegt er talið að vinstriflokkurinn Syriza verði sigurvegari kosninganna og hefur Alexis Tsipras, leiðtogi flokksins, lýst því yfir að hann muni gefa sér tíu daga til að semja á ný við Alþjóðagjaldeyrissjóðinn og Evrópusambandið, sem hann segir að séu að ganga af fjárhag Grikklands dauðum.

Í viðtali við gríska ríkissjónvarpið í gær sagði Tsipras að hann vildi endurskoða og endurvinna samkomulag Grikkja við AGS og ESB.

Þetta verður í annað skiptið á skömmum tíma sem Grikkir ganga að kjörborðinu og kjósa til þings, en þingkosningar voru í landinu 6. maí síðastliðinn. Stjórnarmyndunarviðræður báru engan árangur og því var ákveðið að kjósa að nýju.

Tengdar fréttir

Grikkland

Ferðamönnum boðið frítt til Grikklands

• Grikkir ganga til kosninga
• Sprengjutilræði í Aþenu
• Efnahagsaðstoð við Grikki lokið
• Ekkert samkomulag um afskriftir

» Fleiri tengdar fréttir

• 1 blogg um fréttina

Bloggað um fréttina

• Haraldur Hansson: Another one bites the dust