Ekki kosið í Danmörku næstu árin
Setja bókamerki
Forsætisráðherra Danmerkur, Helle Thorning-Schmidt, hefur lagt á hilluna þá fyrirætlan ríkisstjórnar hennar að boða til þjóðaratkvæðagreiðslu um fjórar undanþágur sem Danir fengu árið 1993 frá Maastricht-sáttmála Evrópusambandsins.
Undanþágurnar voru veittar til þess að tryggja að Maastricht-sáttmálinn næði fram að ganga en til þess þurfti samþykki allra ríkja sambandsins. Danir höfnuðu sáttmálanum fyrst í þjóðaratkvæði 1992 en samþykktu hann síðan ári síðar með undanþágunum.
Um er að ræða undanþágu frá þátttöku í myndbandalagi Evrópusambandsins og þar með evrunni, sameiginlegum ríkisborgararétti sambandsins, sameiginlegri varnarstefnu og samstarfi í dómsmálum.
Thorning-Schmidt sagði í samtali við danska dagblaðið Politiken að mikill ótti og óvissa væri um framtíð Evrópusambandsins og það gætu því liðið mörg ár þar til haldið yrði þjóðaratkvæði í Danmörku um málefni sem tengdist sambandinu.
„Óviðunandi eftirlit með börnum“
„Tímabil aukinnar eldvirkni“
Barn lést í árásinni
Lát hjóna í Neskaupstað: Ákæra gefin út
Nágrannaþjóðir upplýstar en við vöðum í blindni
Funda með þingflokkum
Ók á hóp fólks á jólamarkaði: Einn látinn