Kofi Annan heldur til Moskvu
Setja bókamerki
Kofi Annan, sérlegur erindreki í málefnum Sýrlands og fyrrverandi framkvæmdastjóri Sameinuðu þjóðanna, mun á þriðjudag eiga fund með Vladimir Pútín, forseta Rússlands, um málefni Sýrlands.
Fundurinn verður haldinn í Moskvu, höfuðborg Rússlands.
Rússar hafa verið hvattir til að styðja stjórnarbreytingar í Sýrlandi en hafa ekki viljað verða við þeim kröfum hingað til. Hafa Rússar áður lýst því yfir að þeir leggist gegn utanaðkomandi þrýstingi til að knýja á um stjórnarskipti í landinu.
Annan kemur til Moskvu á morgun en búist er við að hann ræði einnig við utanríkisráðherra Rússlands, Sergei Lavrov.
Í dag héldu svo áfram linnulausar árásir stjórnarhersins í Sýrlandi. Gerðar voru harðar árásir á borgirnar Deir Ezzor og Homs auk svæða innan Hama-héraðs.
Talið er að minnst níu hafi látist í árásunum sem sagðar eru mjög harðar en stjórnarherinn notaðist m.a. við stórskotalið, herþyrlur og flugskeyti.
Drónamyndskeið frá hápunkti gossins í nótt
Fullvissa ferðamenn um að hér sé öruggt
Þarf að koma til móts við ólíkar þarfir lækna
Hentugt gos fyrst gýs á annað borð
Hraun kemur úr þremur gígum: Virknin stöðug
Sjötti ferðamaðurinn er látinn
Hópur fólks reyndi að komast að eldgosinu