Lögreglan í Denver í Bandaríkjunum segir að a.m.k. 14 liggi í valnum eftir að vopnaður maður hóf skothríð í kvikmyndahúsi í borginni. Um 50 hafa særst.

Sjónarvottar segja að grímuklæddur byssumaður hafi skotið á gesti sem voru á miðnætursýningu á nýjustu kvikmyndinni um Batman í Aurora. Einn kvikmyndahúsa gestur segir við CNN að maðurinn hafi læðst inn í salinn og hafið skothríð. Tilviljun ein hafi ráðið því hverjir urðu fyrir skotunum.

Þá herma fréttir að árásarmaðurinn hafi kastað reyksprenjgu á vettvangi. Að sögn lögreglu er einn maður í haldi. Fram kemur á vef BBC að fjölmargir sjúkrabílar séu á vettvangi.

Maðurinn sem er í haldi vegna málsins sagði lögreglu að hann geymdi sprengjuefni á heimili sínu. Var fjölbýlishús í norðurhluta Aurora rýmt í kjölfarið.

Tíu létust strax en fjórir létust af sárum sínum til viðbótar á sjúkrahúsi í morgun. Talsmaður sjúkrahússins segir við BBC að mörg fórnarlömb hafi komið til aðhlynningar.

Kvikmyndahúsið var þétt setið enda um frumsýningardag nýjustu Batman-myndarinnar að ræða.

Tengdar fréttir

Skotárás í kvikmyndahúsi í Colorado

Hætta sölu á öflugum rifflum

• Holmes dæmdur í lífstíðarfangelsi
• „Hann lifir, hann andar“
• Sleppur við dauðarefsinguna
• Dauðadómur eða lífstíðarfangelsi?

» Fleiri tengdar fréttir

• 2 blogg um fréttina

Bloggað um fréttina

• Pétur Arnar Kristinsson: Aðgengi almennings að skotvopnum hefur þessar afleiðingar
• Njörður Helgason: Heimamenn en ekki aðkomufólk.