„Fólk áttaði sig á því að þetta var enginn brandari þegar hann varpaði einhvers konar handsprengju sem var full af gasi,“ segir Jennifer Seeger,  sem var í kvikmyndahúsinu í Aurora í Coloradoríki í fyrrakvöld þegar maður skaut þar á bíógesti með þeim afleiðingum að 12 létust og 59 særðust. 

„Gasið var út um allt, fólk hóstaði og barðist um við að ná andanum. Síðan sá ég hann draga upp riffil og skjóta úr honum upp í loft. Líklega til að hræða fólk. Þá greip um sig mikil skelfing og fólk hrópaði: „Hann er með byssu.“

„Þá beindi hann byssunni frá loftinu og að andliti mínu. Ætli hann hafi ekki verið um einn og hálfan metra frá mér. Ég fraus, ég vissi ekki hvað ég átti að gera. Ég gat ekki hugsað, ég bara stóð þarna.“

Hann gekk um og skaut á alla sem hann náði til. Ég sagði fólki að þykjast vera dáið.  Þegar ég ætlaði að skríða út sá ég öll líkin. Ég held að ég hafi þá brotnað saman, ég var við það að fá taugaáfall.“

Besti vinur Jennifer, Corbin Dates, var með henni í kvikmyndahúsinu. „Fólk lá út um allt, það var myrkur, lyktin af gasinu var sterk. Þetta er ekki minning sem mig langar til að varðveita,“ sagði Dates í viðtali við AFP-fréttastofuna.

Tengdar fréttir

Skotárás í kvikmyndahúsi í Colorado

Hætta sölu á öflugum rifflum

• Holmes dæmdur í lífstíðarfangelsi
• „Hann lifir, hann andar“
• Sleppur við dauðarefsinguna
• Dauðadómur eða lífstíðarfangelsi?

» Fleiri tengdar fréttir

• 1 blogg um fréttina

Bloggað um fréttina

• Axel Jóhann Hallgrímsson: Hringekja fáránleikans