Spánn útilokar neyðaraðstoð

Ríkisstjórn Spánar segir að það komi ekki til greina að biðla til alþjóðasamfélagsins um neyðaraðstoð þrátt fyrir vaxandi áhyggjur af stöðu efnhagsmála í landinu.

„Það verður engin neyðaraðstoð og neyðaraðstoð er ekki valkostur,“ segir Soraya Saenz de Santamaria, talskona spænsku ríkisstjórnarinnar, á blaðamannafundi í dag að loknum ríkisstjórnarfundi.

„Búið er að útiloka neyðaraðstoð,“ bætti hún við. Það hafi verið gert þrátt fyrir getgátur manna í fjölmiðlum um neyðaraðstoð eða utanaðkomandi inngrip í spænskt efnahagslíf.

Hagfræðingar hafa varað við því að Spánn þurfi á neyðaraðstoð að halda til viðbótar fyrir 100 milljarða evru lánalínu sem fjármálaráðherrar evruríkjanna samþykktu nýverið að veita spænskum bönkum.

• 1 blogg um fréttina

Bloggað um fréttina

• Gunnar Heiðarsson: Þá er bara hinn kosturinn eftir !