Clinton fundar með Tyrkjum um Sýrland
Setja bókamerki
Hillary Clinton, utanríkisráðherra Bandaríkjanna, heimsækir Tyrklands nk. laugardag þar sem hún tekur þátt í viðræðum um ástandið í Sýrlandi. Talsmaður utanríkisráðuneytisins segir að fundurinn fari fram í Istanbúl og þar muni Clinton funda með ríkisstjórn Tyrklands.
Clinton er á ferðalagi um Afríku og er nú stödd í Malaví. Hún mun á næstunni heimsækja Nígeríu og Benín, áður en hún flýgur til Tyrklands.
Rúmlega 21.000 manns hafa fallið í Sýrlandi frá því uppreisnin gegn stjórn Bashars al-Assads, forseta landsins, hófst fyrir 17 mánuðum.
Barack Obama Bandaríkjaforseti og Recep Tayyip Erdogan, forsætisráðherra Tyrklands, samþykktu í lok síðasta mánaðar að hraða stjórnarskiptum í Sýrlandi, en menn eru sammála um að Assad eigi að fara frá völdum.
Tyrknesk stjórnvöld styðja uppreisnarmenn í Sýrlandi og hafa m.a. tekið á móti fjölmörgum liðhlaupum og öðrum flóttamönnum. Alls hafa 18 sýrlenskir hershöfðingjar flúið yfir til Tyrklands fá því uppreisnin hófst í mars í fyrra.
Vonir bundnar við morgundaginn
Fundur hafinn hjá kennurum, ríki og sveitarfélögum
Heimildarmenn tala um hápólitískt drama
Ekki hægt að slá gosið út af borðinu strax
Íslensk kona handtekin á Tenerife eftir líkamsárás
Sendi nektarmyndir af dreng sem hann passaði
Unnið að hraunkælingu allan sólarhringinn
Falskur fyrirvari á auglýsingum Höllu