Rannsóknarnefndin um atburðina 22. júlí í Noregi er þeirrar skoðunar að sambærileg voðaverk hefðu aldrei getað átt sér stað í Danmörku, vegna þess að danska öryggislögreglan sé mun meðvitaðri um og meira á varðbergi gegn hugsanlegri hættu en sú norska. 

Rannsóknarnefndin kynnir nú niðurstöður sínar á blaðamannafundi í og vitnaði meðal annars til  skýrslu sem norska öryggislögreglan, PST, gaf út árið 2007. Þar sagði að öfgafulla þjóðernissinna væri að finna bæði á hægri og vinstri væng stjórnmálanna í Noregi. PST mat það hins vegar svo að enginn þeirra væri sérstök ógn við þjóðaröryggi.

Danir á varðbergi eftir Múhameðs teikningarnar

Formaður rannsóknarnefndarinnar, Alexandra Bech Gjørv, lýsti undrun sinni á því að öryggismál hafi ekki verið tekin nógu alvarlega í Noregi, samanborið við t.d. nágrannalandið Danmörku. Eftir Múhammeðs teikningarnar séu danska öryggislögreglan, PET, á stöðugu varðbergi og hefði Anders Behring Breivik aldrei komist svo langt að ná að framkvæma fyrirætlanir sínar þar.

Rannsóknarnefndin telur að koma hefði mátt í veg sprengjuárásina í stjórnarráðinu í Ósló  með því að beita betur öryggisúrræðum sem þegar voru til staðar. Norska öryggislögreglan hafi litið framhjá þeim möguleika að einstaklingur gæti verið að skipuleggja hryðjuverk.

Tengdar fréttir

Fjöldamorðið í Útey/Anders Behring Breivik

Hulda saksóknari: „Tökum þetta ekki til greina“

• Biður um reynslulausn 13 árum eftir fjöldamorðið
• Breivik tapaði máli gegn ríkinu
• „Enn hættulegasti maður Noregs“
• Notar geðlyf til að komast í gegnum daginn

» Fleiri tengdar fréttir

• 1 blogg um fréttina

Bloggað um fréttina

• Ásgrímur Hartmannsson: Knock on wood.