Fleiri tilfelli af veirusýkingu í Danmörku

Karlmaður var í morgun lagður inn á einangrunardeild sjúkrahússins í Hvidovre í Danmörku með einkenni sem þykja keimlík einkennum kórónaveirunnar svokölluðu. Þegar eru fimm Danir á sjúkrahúsinu í Óðinsvéum vegna gruns um að hafa smitast af veirunni.

Allt hafði fólkið nýlega verið á ferð í Mið-austurlöndum.

Kórónaveiran getur valdið alvarlegum sýkingum í öndunarfærum og er afbrigði SARS-veirunnar, sem getur verið lífshættuleg. Árin 2002 - 2003 sýktust um 8000 manns af SARS-veirunni og létust um 800 af völdum hennar.

Dönsk heilbrigðisyfirvöld hafa beint þeim tilmælum til íbúa landsins að þeir sem fái háan hita, hósta og einkenni í öndunarfærum eftir ferðalög til Mið-austurlanda, láti athuga heilsufar sitt.

Frétt mbl.is: Fimm á sjúkrahúsi í Óðinsvéum vegna veirusýkingar

• 1 blogg um fréttina

Bloggað um fréttina

• Haraldur Haraldsson: Fleiri tilfelli af veirusýkingu////Þetta verðum við að taka alvarlega!!!!