Neyðarástandi hefur verið lýst yfir í Vestur-Virginíuríki í Bandaríkjunum vegna fellibylsins Sandy. Búist er við mikilli snjókomu og snjóbyl í kjölfar Sandy.

Nokkuð hefur dregið úr vindhraðanum, sem mældist tæplega 137 kílómetrar á klukkustund eða 38 metrar á sekúndu um klukkan 23 að íslenskum tíma.

Neyðarástandið nær til allra 55 sýslna í ríkinu, en áður hafði verið varað við snjóbyl í 14 þeirra. Snjókoman orsakast af því að raki sem fylgir hvirfilbylnum mætir köldum loftstraumum úr vestri.

Áhrifa Sandy er nú farið að gæta víða á austurströndinni; óveðrið fellir tré sem draga rafmagnslínur með sér í fallinu og við það verða milljónir heimila rafmagnslausar.

Tengdar fréttir

Fellibylurinn Sandy

Uppbyggingunni ekki lokið

• Ár liðið frá Sandy
• Obama biður um 60 milljarða
• Gríðarlegur kostnaður vegna Sandy
• Rífa þarf hús í kjölfar Sandy

» Fleiri tengdar fréttir

• 1 blogg um fréttina

Bloggað um fréttina

• Haraldur Haraldsson: Sandy telst nú hvirfilbylur/Ekki var á það bætandi,þetta er sæmt …