David Petraeus sagði af sér starfi yfirmanns bandarísku leyniþjónustunnar (CIA) í dag vegna framhjáhlaups í hjónabandi.

„Í gær fór ég í Hvíta húsið og bað forsetann um leyfi, af persónulegum ástæðum, til að segja af mér starfi yfirmanns CIA,“ sagði Petreus í yfirlýsingu til starfsmanna leyniþjónustunnar.

„Eftir 37 ára hjónaband sýndi ég ákaflega mikinn dómgreindarskort með framhjáhaldi. Slíkt háttalag er ótækt, bæði af hálfu eiginmanns og forstöðumanns stofnunar sem okkar. Í dag féllst fosetinn náðarsamlegast á afsögn mína,“ sagði þar ennfremur. 

Petraeus tók við starfi CIA-stjóra í september í fyrra en þar áður var hann æðsti yfirmaður fjölþjóðaheraflans í Afganistan.

Óvænt og fyrirvaralaust brotthvarf hans úr starfi kemur sér illa fyrir Obama. Búist hefur verið við að hann muni stokka upp í sveit þjóðaröryggisrágjafa sinna en þó ætlað Petreus áframhaldandi hlutverk þar.  Við starfi Petreus tekur næstráðandi hans, Michael J. Morell,  til bráðabirgða.

Tengdar fréttir

Hneykslismál innan CIA

Petraeus snýr sér að kennslu

• Petraeus baðst afsökunar
• Allen hreinsaður af hneykslismáli
• Ástkonan er miður sín
• Rannsaka Petraeus

» Fleiri tengdar fréttir

• 2 blogg um fréttina

Bloggað um fréttina

• Sigurður Þorsteinsson: Afsögn vegna framhjáhalds?
• Viggó Jörgensson: Átti að koma fyrir þingnefnd í næstu viku.