Gert að hætta sem borgarstjóri
Setja bókamerki
Dómstóll í Kanada fyrirskipaði í dag að borgarstjóri Toronto, Rob Ford, yrði settur af sem borgarstjóri fyrir að brjóta gegn reglum um hagsmunatengsl þegar hann stóð að því að útvega fótboltafélaginu sínu framlög úr borgarsjóði. Frá þessu greinir AFP-fréttastofan.
Ford lenti upp á kant við lögin þegar hann talaði á borgarráðsfundi í febrúar gegn sekt sem honum var gert að greiða upp á rúma þrjú þúsund dollara vegna siðferðisbrota.
Íbúi í Toronto kærði hann fyrir að brjóta gegn reglum sveitarfélagsins um hagsmunatengsl, sem Ford upplýsti fyrir dómi að hann hefði aldrei lesið.
Svo kann að fara að Ford áfrýi niðurstöðu dómsins í dag eða að hann bjóði sig fram að nýju til borgarstjóra í næstu kosningum. Dómstóllinn frestaði gildistöku dómsins um 14 daga til að gefa borgarkerfinu svigrúm til nauðsynlegra ráðstafana.
Reiðubúin að aflýsa verkföllum í fjórum leikskólum
Þarf að koma til móts við ólíkar þarfir lækna
Hraun kemur úr þremur gígum: Virknin stöðug
Viðræður ekkert þokast frá því á þriðjudag
/frimg/1/53/8/1530844.jpg)
Myndir: Náttúrulegur þröskuldur að taka við
Vika í kosningar: Þetta segja kannanir
