Dominique Strauss-Kahn hefur náð samkomulagi um sátt við Nafissatou Diallo, konuna sem sakaði hann um að hafa beitt hana kynferðisofbeldi í starfi hennar sem þerna á hóteli í New York. Diallo höfðaði einkamál gegn honum þegar saksóknari í New York vísaði málinu frá á sínum tíma.

Haft er eftir ónafngreindum heimildarmanni sem „þekkir til“ í blaðinu New York Times í kvöld að Strauss-Kahn og Diallo hafi „náð hljóðu samkomulagi um sættir“ í málinu. Engar upplýsingar hafa hins vegar fengist um hvort og þá hve háa fjárhæð fyrrverandi framkvæmdastjóri Alþjóðagjaldeyrissjóðsins þurfi að reiða af hendi sem sáttagreiðslu.

Lögfræðingar Strauss-Kahn hafa ekki viljað tjá sig um málið að sögn AFP.

Tengdar fréttir

Dominique Strauss-Kahn

Heimurinn óviðbúinn fyrir annað hrun

• Lagarde endurkjörin hjá AGS
• Strauss-Kahn sýknaður af hórmangi
• Hórmangsdómur kveðinn upp í dag
• Strauss-Kahn sleppur væntanlega

» Fleiri tengdar fréttir

• 1 blogg um fréttina

Bloggað um fréttina

• Axel Jóhann Hallgrímsson: Sátt um nauðgun