Mótmæla því að ESB fái friðarverðlaunin

Desmond Tutu og tveir aðrir handhafar friðarverðlauna Nóbels hafa ritað bréf til Nóbelsverðlaunanefndarinnar þar sem þeir mótmæla þeirri ákvörðun hennar að veita Evrópusambandinu verðlaunin í ár.

Auk Tutu rita Mairead Maguire og Adolfo Perez Esquivel undir bréfið en þau hlutu verðlaunin 1976 og 1980.

Fram kemur í bréfinu samkvæmt frétt AFP að Evrópusambandið sé augljóslega ekki baráttusamtök fyrir friði eins og stofnandi verðlaunanna, Alfred Nobel, hafði í huga þegar hann ritaði erfðaskrá sína. Þá er Nóbelsverðlaunanefndin sökuð í bréfinu um að hafa breytt forsendum verðlaunanna á skjön við reglurnar sem gildi um þau.

• 1 blogg um fréttina

Bloggað um fréttina

• Ómar Geirsson: Osló vanvirðir Nóbel.