Fyrirskipa rannsókn á jarðgöngum

Ríkisstjórn Japans hefur fyrirskipað að farið verði þegar í stað yfir jarðgöng í landinu, en ákvörðunin er tekin í kjölfar mannskæðs slyss sem varð í gær þegar Sasago-jarðgöngin hrundu.

Staðfest er að níu eru látnir eftir að steypustykki hrundu í göngunum, sem erum 80 km vestur af höfuðborginni Tókýó. Þá er rannsókn á orsökum slyssins hafin, að því er fram kemur á fréttavef BBC.

Forsvarsmenn jarðganganna telja að járnstykki sem héldu þiljunum saman hafi mögulega losnað.

Fram kemur í japönskum fjölmiðlum að samgöngu- og ferðamálaráðuneyti landsins hafi fyrirskipað öllum rekstraraðilum jarðganga sem eru svipuð Sasago-göngunum að skoða göngin þegar í stað.

Fréttaskýrandi BBC í Tókýó, segir að a.m.k. 20 göng verði skoðuð í þaula.

• 1 blogg um fréttina

Bloggað um fréttina

• Ómar Geirsson: Væri hægt að biðja Japani að rannsaka Oddskarðsgöng í leiðinni??