Spánn óskar eftir aðstoð frá ESB

Spænsk stjórnvöld hafa formlega óskað eftir 39,5 milljörðum evra úr björgunarsjóðum Evrópusambandsins til þess að endurfjármagna spænska banka samkvæmt fréttavef breska dagblaðsins Daily Telegraph í dag.

Fram kemur í fréttinni að gert sé ráð fyrir því að meirihluta fjárins, 37 milljörðum evra, verði varið í að styrkja fjóra þjóðnýtta banka, Bankia, Catalunya Banc, NCG Banco og Banco de Valencia. Þá verði 2,5 milljarðar notaðir í sérstakan banka sem stofnaður var í kringum svonefndar eitraðar eignir banka.

Búist er við að fjármálaráðherrar evrusvæðisins samþykki formlega að verða við ósk spænskra stjórnvalda á fundi sínum sem nú stendur yfir í Brussel.

Frétt Daily Telegraph

• 3 blogg um fréttina

Bloggað um fréttina

• Jónatan Karlsson: Þar kom að því.
• Samtök um rannsóknir á ESB ...: Ekki bjargar evran Spáni
• Heimssýn: Citi: evrusvæðið í tíu ára kreppu