30 látnir í óeirðum

Að minnsta kosti þrjátíu eru látnir í óeirðum á götum úti í Kaíró í Egyptalandi eftir að dauðadómur var kveðinn upp yfir 21 fótboltabullu vegna blóðugra óeirða sem brutust út eftir fótboltaleik í febrúar 2012. Í átökunum létu 74 lífið.

Ekkert lát ætlar verða á óöldinni í Egyptalandi en í gær létust níu í mótmælum gegn Mohamed Morsi forseta en tvö ár eru liðin frá því Hosni Mubarak var steypt af stóli.

Á fjórða hundrað eru slasaðir eftir átökin í dag en allir þeir sem létust voru skotnir til bana samkvæmt upplýsingum frá sjúkraliði.

Óeirðirnar brutust út eftir leik al-Masry og al-Ahly á leikvandi í borgini Port Said. Stuðningsmenn heimaliðsins al-Masry ruddust inn á völlinn í lok leiksins og réðust á leikmenn gestaliðsins al-Ahly frá Kaíró og köstuðu grjóti og flugeldum að stuðningsmönnum liðsins. Öryggiverðir gerðu lítið til að hindra eða stöðva átökin.

Bullur dæmdar til dauða

• 1 blogg um fréttina

Bloggað um fréttina

• Gísli Foster Hjartarson: Geðveiki er þetta!!!