Handteknir fyrir að boða kristni

Fjórir menn hafa verið handteknir í líbísku borginni Benghazi vegna gruns um að þeir hafi verið að boða múslimum kristna trú. Stjórnvöld í Líbíu hafa staðfest að mennirnir hafi verið handteknir.

Mennirnir eru frá Egyptalandi, S-Afríku, S- Kóreu og Svíþjóð. Talsmaður stjórnvalda segir að verið sé að rannsaka grun um að þeir hafi látið prenta og dreifa nokkur þúsund bókum um kristni. Hann segir að í múslímsku landi sé bannað að reyna að snúa fólki frá trú sinni.

Stjórnvöld í Líbíu segja að þegar mennirnir voru handteknir hafi þeir verið með um 45 þúsund eintök af bókum um kristni og talið sé að þeir hafi dreift um 25 þúsund bókum.

• 1 blogg um fréttina

Bloggað um fréttina

• Mofi: Trú sem ekki má gagnrýna er ómerkileg og án efa …