Barnaníðingar í slagtogi við mannætulöggu

Tveir breskir karlmenn hafa verið handteknir í Bretlandi, grunaðir um að vera í vitorði með mannætulöggunni, Gilberto Valle, sem er ákærður fyrir að hafa ætlað að drepa konu og fyrir að hafa misnotað gögn úr gagnagrunni lögreglunnar en hann er lögreglumaður í New York.

Hann er sagður hafa leitað í gögnum lögreglu að vænlegum fórnarlömbum og að hafa lagt á ráðin um að ræna, nauðga og drepa konur og að éta þær svo. Réttarhöldin, sem nú standa yfir í New York, hafa vakið mikla athygli.

Bretarnir tveir eru 30 og 57 ára og voru handteknir fyrir vörslu og sölu barnakláms og hafa bresk og bandarísk lögregluyfirvöld verið í samstarfi um rannsókn málanna.

Ekki er vitað til þess að Valle hafi gert alvöru úr fyrirætlunum sínum og lögmaður hans segir að um algenga kynferðislega óra sé að ræða sem engan skaði, sé ekki gerð alvara úr þeim.

Frétt mbl.is: Ætluðu að horfa á blóðið spýtast

• 1 blogg um fréttina

Bloggað um fréttina

• Ásgrímur Hartmannsson: Heppnir, þeir