Stöðvaði gildistöku laga um gosdrykki

Dómstóll í New York hefur stöðvað gildistöku laga sem áttu að banna veitingastöðum í New York að selja gosdrykki í stórum skömmtum. Lögin áttu að taka gildi á morgun.

Það voru nokkrir gosdrykkjaframleiðendur sem fóru í mál við borgina út af lagasetningunni. Dómarinn segir í úrskurði sínum að lögin byggðu á geðþótta og duttlungum og stöðvaði gildistöku þeirra.

Samkvæmt lögunum átti veitingahúsum að vera óheimilt að selja gosdrykki í glösum sem tækju meira en 473 millilítra í einu.

Michael Bloomberg borgarstjóri í New York beitti sér fyrir lagasetningunni í þeim tilgangi að reyna að draga úr offitu fólks.

• 2 blogg um fréttina

Bloggað um fréttina

• G. Tómas Gunnarsson: Sigur skynseminnar
• Ómar Ragnarsson: Hvað næst? Að banna feitar stórsteikur og stór páskaegg?